Saturday, October 24, 2020
Home > News > ਮੋਦੀ ਸਰਕਾਰ ਨੇ ਕਿਸਾਨਾਂ ਨੂੰ ਭੇਜਿਆ ਇਹ ਜਰੂਰੀ ਸੰਦੇਸ਼,ਕਿਸਾਨ ਵੀਰ ਜਲਦ ਤੋਂ ਜਲਦ ਕਰਨ ਇਹ ਕੰਮ-ਦੇਖੋ ਪੂਰੀ ਖ਼ਬਰ

ਮੋਦੀ ਸਰਕਾਰ ਨੇ ਕਿਸਾਨਾਂ ਨੂੰ ਭੇਜਿਆ ਇਹ ਜਰੂਰੀ ਸੰਦੇਸ਼,ਕਿਸਾਨ ਵੀਰ ਜਲਦ ਤੋਂ ਜਲਦ ਕਰਨ ਇਹ ਕੰਮ-ਦੇਖੋ ਪੂਰੀ ਖ਼ਬਰ

ਪ੍ਰਧਾਨ ਮੰਤਰੀ ਕਿਸਾਨ ਸਨਮਾਨ ਨਿਧੀ ਯੋਜਨਾ ਤਹਿਤ ਕੇਂਦਰ ਸਰਕਾਰ ਦੇਸ਼ ਦੇ ਕਿਸਾਨਾਂ ਨੂੰ ਹਰ ਸਾਲ 6,000 ਰੁਪਏ ਦੀ ਆਰਥਿਕ ਮਦਦ ਮੁਹੱਈਆ ਕਰਵਾਉਂਦੀ ਹੈ। ਸਰਕਾਰ ਇਸ ਯੋਜਨਾ ਤਹਿਤ ਹਰ ਸਾਲ ਤਿੰਨ ਬਰਾਬਰ ਕਿਸ਼ਤਾਂ ‘ਚ ਕਿਸਾਨਾਂ ਨੂੰ ਇਹ ਰਕਮ ਪ੍ਰਤੱਖ ਲਾਭ ਟਰਾਂਸਫਰ (DBT) ਜ਼ਰੀਏ ਭੇਜਦੀ ਹੈ। ਇਸ ਤਰ੍ਹਾਂ ਇਹ ਰਕਮ ਸਿੱਧੀ ਕਿਸਾਨਾਂ ਦੇ ਬੈਂਕ ਖਾਤੇ ‘ਚ ਆਉਂਦੀ ਹੈ।ਅਜੇ ਵੀ ਸਾਡੇ ਦੇਸ਼ ਦੇ ਬਹੁਤ ਸਾਰੇ ਅਜਿਹੇ ਕਿਸਾਨ ਹਨ ਜੋ ਪ੍ਰਧਾਨ ਮੰਤਰੀ ਕਿਸਾਨ ਯੋਜਨਾ ਦੇ ਲਾਭ ਤੋਂ ਵਾਂਝੇ ਹਨ।

ਦਰਅਸਲ, ਕਾਰਨ ਇਹ ਹੈ ਕਿ ਅਜੇ ਤੱਕ ਬਹੁਤ ਸਾਰੇ ਅਜਿਹੇ ਕਿਸਾਨਾਂ ਦੀ ਰਜਿਸਟਰੀ ਨੂੰ ਮਨਜ਼ੂਰੀ ਨਹੀਂ ਦਿੱਤੀ ਗਈ ਹੈ। ਪਰ ਤੁਹਾਡੀ ਜਾਣਕਾਰੀ ਲਈ, ਤੁਹਾਨੂੰ ਦੱਸ ਦੇਈਏ ਕਿ ਅਜਿਹੇ ਕਿਸਾਨਾਂ ਨੂੰ ਪਰੇਸ਼ਾਨ ਹੋਣ ਦੀ ਕੋਈ ਜ਼ਰੂਰਤ ਨਹੀਂ ਹੈ। ਪ੍ਰਧਾਨ ਮੰਤਰੀ ਕਿਸਾਨ ਦੇ ਨਿਯਮਾਂ ਦੇ ਅਨੁਸਾਰ, ਜੇ ਤੁਸੀਂ ਰਜਿਸਟ੍ਰੇਸ਼ਨ ਲਈ ਅਰਜ਼ੀ ਦਿੱਤੀ ਹੈ ਅਤੇ ਕਿਸੇ ਗਲਤੀ ਕਾਰਨ, ਰਜਿਸਟਰੀ ਅਜੇ ਤੱਕ ਉਹ ਨਹੀਂ ਕੀਤੀ ਗਈ ਹੈ ਜਾਂ ਰੱਦ ਕਰ ਦਿੱਤੀ ਗਈ ਹੈ, ਤਾਂ ਜਦੋਂ ਵੀ ਪ੍ਰਵਾਨਗੀ ਮਿਲ ਜਾਵੇਗੀ, ਤੁਹਾਡਾ ਪੈਸਾ ਤੁਹਾਡੇ ਖਾਤੇ ਵਿੱਚ ਆ ਜਾਵੇਗਾ।

ਕੋਰੋਨਾ ਵਾਇਰਸ ਮਹਾਮਾਰੀ ਦੇ ਇਸ ਸੰਕਟ ਦੀ ਘੜੀ ‘ਚ ਕਿਸਾਨਾਂ ਨੂੰ ਸਿੱਧੀ ਮਦਦ ਮੁਹੱਈਆ ਕਰਵਾਉਣ ਲਈ ਸਰਕਾਰ ਨੇ ਇਸ ਯੋਜਨਾ ਦੇ ਲਾਭ ਪਾਤਰੀਆਂ ਨੂੰ ਅਪ੍ਰੈਲ ‘ਚ ਹੀ ਚਾਲੂ ਵਿੱਤੀ ਵਰ੍ਹੇ ਦੀ ਪਹਿਲੀ ਕਿਸ਼ਤ ਭੇਜ ਦਿੱਤੀ ਸੀ।ਪੀਐੱਮ ਕਿਸਾਨ ਸਨਮਾਨ ਨਿਧੀ ਯੋਜਨਾ ਤਹਿਤ ਸਰਕਾਰ ਇਕ ਅਗਸਤ ਤੋਂ 2,000 ਰੁਪਏ ਦੀ ਅਗਲੀ ਕਿਸ਼ਤ ਲਾਭਪਾਤਰੀਆਂ ਦੇ ਖਾਤਿਆਂ ‘ਚ ਭੇਜਣ ਵਾਲੀ ਹੈ।

ਅਗਸਤ ਦੀ ਕਿਸ਼ਤ ਤੋਂ ਪਹਿਲਾਂ ਯੋਜਨਾ ਦੇ ਸਾਰੇ ਲਾਭ ਪਾਤਰੀਆਂ ਦੇ ਮੋਬਾਈਲ ‘ਤੇ ਇਕ ਸੰਦੇਸ਼ ਭੇਜਿਆ ਗਿਆ ਹੈ। ਸਰਕਾਰ ਨੇ ਇਹ ਮੈਸੇਜ ਲਾਭਪਾਤਰੀਆਂ ਦੇ ਹਿੱਤ ਲਈ ਭੇਜਿਆ ਹੈ। ਇਸ ਮੈਸੇਜ ਤੋਂ ਲਾਭਪਾਤਰੀਆਂ ਦੀਆਂ ਕਈ ਸਾਰੀਆਂ ਸਮੱਸਿਆਵਾਂ ਦੂਰ ਹੋ ਸਕਦੀਆਂ ਹਨ।ਅਸਲ ਵਿਚ ਸਰਕਾਰ ਵੱਲੋਂ ਲਾਭ ਪਾਤਰੀਆਂ ਨੂੰ ਇਕ ਹੈਲਪ ਲਾਈਨ ਨੰਬਰ ਦਿੱਤਾ ਗਿਆ ਹੈ। ਆਪਣੇ ਰਜਿਸਟਰਡ ਮੋਬਾਈਲ ਨੰਬਰ ਤੋਂ ਇਸ ਹੈਲਪਲਾਈਨ ਨੰਬਰ ‘ਤੇ ਕਾਲ ਕਰ ਕੇ ਲਾਭ ਪਾਤਰੀ ਆਸਾਨੀ ਨਾਲ ਆਪਣੀ ਅਰਜ਼ੀ ਦਾ ਸਟੇਟਸ ਜਾਨ ਸਕਦੇ ਹਨ।

ਲਾਭ ਪਾਤਰੀਆਂ ਕਿਸਾਨਾਂ ਨੂੰ ਆਏ ਮੈਸੇਜ ‘ਚ ਲਿਖਿਆ ਹੈ- ‘ਪ੍ਰਿਯ ਕਿਸਾਨ, ਹੁਣ ਤੁਸੀਂ ਆਪਣੀ ਅਰਜ਼ੀ ਦਾ ਸਟੇਟਸ PM-Kisan ਦੇ ਹੈਲਪਲਾਈਨ ਨੰਬਰ 011-24300606 ‘ਤੇ ਕਾਲ ਕਰ ਕੇ ਜਾਨ ਸਕਦੇ ਹਨ।’ਪੀਐੱਮ ਕਿਸਾਨ ਸਕੀਮ (PM-Kisan Scheme) ਦਾ ਹੁਣ ਤਕ 9.54 ਕਰੋੜ ਲੋਕ ਫਾਇਦਾ ਉਠਾ ਚੁੱਕੇ ਹਨ। ਉੱਥੇ ਹੀ ਕਰੀਬ 1.3 ਕਰੋੜ ਕਿਸਾਨਾਂ ਨੇ ਯੋਜਨਾ ‘ਚ ਅਰਜ਼ੀ ਤਾਂ ਦਿੱਤੀ ਹੈ ਪਰ ਉਨ੍ਹਾਂ ਨੂੰ ਇਸ ਦਾ ਲਾਭ ਨਹੀਂ ਮਿਲ ਸਕਿਆ ਹੈ।

ਅਜਿਹੇ ਬਿਨੈਕਾਰ ਹੁਣ ਇਸ ਹੈਲਪਲਾਈਨ ਨੰਬਰ ‘ਤੇ ਕਾਲ ਕਰ ਕੇ ਆਪਣੀ ਸਮੱਸਿਆ ਦੱਸ ਸਕਦੇ ਹਨ ਤੇ ਉਸ ਦਾ ਹੱਲ ਕੱਢ ਸਕਦੇ ਹਨ। ਪੀਐੱਮ ਕਿਸਾਨ ਸਕੀਮ ਨਾਲ ਜੁੜੀ ਆਪਣੀ ਕਿਸੇ ਸਮੱਸਿਆ ਜਾਂ ਸ਼ਿਕਾਇਤ ਲਈ ਕਿਸਾਨ 0120-6025109 ਫੋਨ ਨੰਬਰ ‘ਤੇ ਵੀ ਕਾਲ ਕਰ ਸਕਦੇ ਹਨ। ਇਸ ਤੋਂ ਇਲਾਵਾ ਮੇਲ ਜ਼ਰੀਏ ਵੀ ਇਸ ਯੋਜਨਾ ਨਾਲ ਜੁੜੀ ਜਾਣਕਾਰੀ ਜਾਂ ਮਦਦ ਲਈ ਜਾ ਸਕਦੀ ਹੈ। ਇਸ ਦੇ ਲਈ ਕਿਸਾਨ ਨੂੰ [email protected] ‘ਤੇ ਮੇਲ ਕਰਨੀ ਪਵੇਗੀ।

Leave a Reply

Your email address will not be published. Required fields are marked *